Finnur Fríði kom á Kollafjørð í nátt við 1.500 tonsum av lodnu

 Finnur Fríði kom á Kollafjørð í nátt við 1.500 tonsum av lodnu, sum teir hava fiskað á Eysturlandinum, tætt sunnanfyri Høfn.

Í løtuni landar Fagraberg í Kollafirði, Finnur Fríði sleppir framat, tá ið liðugt er at landa Fagraberg.

Lodnan hevur teir seinastu dagarnar flutt seg skjótt vestureftir. Í morgun royna skipini bæði vestanfyri og eystanfyri Oyggjarnar. 

Í løtuni er bara Norðborg á lodnufeltinum - hini skipini: Christian í Grótinum, Jupiter, Tróndur í Gøtu, Fagraberg og Finnur Fríði eru øll í Føroyum við lodnu, sum verður landað á Tvøroyri, í Fuglafirði og í Kollafirði.