Finnur Fríði kemur á Tvøroyri við 700 tonsum av lodnu

 Finnur Fríði er farin at sigla undan Ísland við 700 tonsum av lodnu, sum teir skulu landa á Tvøroyri - Finnur Fríði kemur á Tvøroyri til arbeiðstíð í morgin.

Á Varðin Pelagic siga tey, at lodnan verður heilfryst á virkinum.

Finnur Fríði landaði á Faskrúðsfirði sunnudagin, teir fóru aftur til fiskiskap seinnapartin í gjár.

Lodnan er nú komin eystum, í morgun er tey flestu skipini stødd tætt norður úr Høfn, har er m.a. Norðborg. Norðborg landaði heilfrysta lodnu á Reyðafirði um vikuskiftið.

Tróndur í Gøtu og Fagraberg eru ávegis til Ísland, teir verða báðir á fiskileið í kvøld.