Finnur Fríði hevur 2.000 tons av svartkjafti

 Finnur Fríði, sum hevur verið til svartkjaftafiskiskap vestur úr Írlandi, er í kvøld varin at sigla við 2.000 tonsum.

JN.fo tosaði umborð fyri løtu síðan, veðrið var gott á leiðini har teir vóru, eitt lot undan. Enn er ikki avgjørt, um teir landa í Føroyum til Havsbrún, ella teir fara til Norra við veiðuni, tað verður avgjørt fyrrapartin í morgin.

Á leiðini vestur úr Írlandi eru Slættaberg og Tummas T, har eru eisini nøkur norsk skip, umframt ES-skip.

4 føroysk skip eru á leiðini vestur úr Hebridinum, á uml. 54N og 14V.

Uppd. 26. mars: Finnur Fríði fer til Egersund í Norra av landa veiðuna hendan túrin.