Finnur Fríði fullfermdur av svartkjafti

Finnur Fríði er komin á Fuglafjørð fullfermdur av svartkjafti. Av tí at so nógv er í tangunum hjá Havsbrún, so byrja teir ikki at landa fyrrenn í morgin.

Finnur Fríði hevur eins og hini svartkjaftaskipini roynt eystur úr Fugloynni, har royna eisini fleiri íslendsk skip. 2 íslendsk skip sigla til Íslands fullfermd, tey eru Faxi og Huginn.

Fiskiskapurin hevur verið góður teir seinastu dagarnar, men hósdagin, fríggjadagin og fyrrapartin leygardagin verður sagt frá nógvum vindi, her um okkara leiðir.

Les eisini: Tummas T. kemur á Fuglafjørð við hvítingsbróðri.