Ferðafuglar úr eystri og úr vestri

Fyrradagin sóðu fleiri ein Kúhegra heima á Sandi og hann var aftur at síggja í gjár.

Kúhegrin er sera sjáldsamur um okkara leiðir, hann er bert sæddur einaferð áður í Føroyum.

Kúhegri eigur í suður Europa, men sæst nú oftari og í størri mongdum enn áður í útnorðings Europa.

Kúhegri livur ikki av fiski sum fleystu hegrar, men av smákyknum og sæst hann tí oftast á dyrkaðum lendi har krýartúr gongur á beiti ella í vátlendi.

Í gjár var eisini ein Helsut Trøllantar bøga at síggja, hon var úti í Havnardali.

Helsut Trøllont er vakurt Norður Amerikanskt kavantar slag og tykist hon nú at verða árligur ferðagestur í Føroyum.

Sera stuttligt og sjáldsamt er tað, at síggja ferða fuglar úr eystri og úr vesturi sama dag.

Myndir og tekstur:

Rodmund á Kelduni