Fagraberg siglir inn við 2.000 tonsum

 Fagraberg fór í nátt at sigla heim av makrelfeltinum suður úr Hetlandi, Fagraberg hevur gjørt skjótt av, teir vóru á feltinum í eitt døgn.

Fagraberg hevur 2.000 tons av makreli, sum teir skulu landa til Pelagos í Fuglafirði, teir verða á Fuglafirði tíðliga í nátt.

Um Fagraberg fer aftur á makrel, ella um teir fara á svartkjaftaveiðu, tað er enn ikki avgjørt. Teir eiga nøkur tons eftir av makreli eftir at fiska, men tað frættistt frá svartkjaftaskipunum, at tey eru byrjaði at fáa svartkjaft eystur úr Fugloynni - har eru Christian í Grótinum, Slættaberg, Jupiter og Tróndur í Gøtu.