Fagraberg kom á Fuglafjørð fyri løtu síðan

 Fagraberg kom á Fuglafjørð fyri løtu síðan, teir hava 2.800 tons av svartkjafti, sum teir skulu landa til Havsbrún. Fagraberg má tó bíða til mánadagin á middegi, tí í løtuni landar Christian í Grótinum 2.500 tons, aftaná skal Finnur Fríði landa 2.700 tons og so sleppir Fagraberg framat mánadagin.

Vit tosaðu við stýrimannin á Fagraberg fyri løtu síðan, hann segði, at tað er góður svartkjaftur skipini fáa í føroyskum sjógvi og fitt var at síggja nú teir fóru ínn.

Nógv skip royna sunnast í føroyskum sjógvi, umframt tey føroysku skipini, so eru fleiri íslendsk og russisk skip har eisini.