Eysturbúgvin og Vesturbúgvin sigla inn fullfermdir

Partrolararnir Eysturbúgvin og Vesturbúgvin sigla inn fullir undir lúkurnar, teir hava tilsamans 320 tons av gulllaksi, teir verða á Toftum um 21-tíðina í kvøld og byrja at landa kl. 5 í nátt.

Teir hava roynt vestanfyri - Millum bankarnar. t.e. vestur av Føroya Banka ella millum Føroya Banka og Bill Baileybanka.

Vit tosaðu umborð á Vesturbúgvan fyri løtu síðan, teir hildu at góð helvt av samlaðu kvotuni uppá 12.000 tons er fiskað. Teir høvdu havt av fínasta veðri allan hendan túrin.

Skipini fara nýggjan túr hóskvøldið kl. 20.