Eysturbúgvin og Vesturbúgvin fiskaðu 300.000 pund í 3 døgn

 Partrolararnir Eysturbúgvin og Vesturbúgvin hava havt rokfiskiskap eftir upsa. Teir fóru út seint sunnukvøldið og fiskaðu mánadagin, týsdagin og mikudagin - í dag hava teir landað 300.000 pund av góðum upsa til Barðið í Havn.

Ein partur av veiðuni er selt uttanlanda og fer við Norrønu av landinum í kvøld.

Teir hava hendan túrin roynt sunnanfyri.

Vit vóru í Havn seinnapartin í dag, tá riggaðu teir til, at fara nýggjan túr í kvøld.