![placeholder](https://jn.fo/css/img/banner2x1.png)
Tað gevur als onga meining, tá umboð Javnaðarfloksins á Fólkatingi sigur, at tað - í samband við fólkatingsvalið - er neyðugt at velja millum hugsjónir ELLA úrslit. Hetta er tað sama sum, at tú fert á eina ferð, uttan at vita hvaðar tú ætlar tær. Tað gevur heldur onga meining. Í hvørtfall ikki um ætlanin er, at hava ein politikk, ið røkkur longur enn eina viku ella eitt ár.
Neyðugt er sjálvandi, at hava politikk og fremja úrslit, ið røkka inn í framtíðina.
Politikkur er grundaður á hugsjónir, og tí skulu tey, ið umboða føroyingar á Løgtingi, eins væl og á Fólkatingi, sjálvandi hava hugsjónir við sær á ting. Grundað á hugsjónina, verður roynt at røkka úrslitum og málum, soleiðis at hugsjónin og virðini í hesi verða gjørd til veruleika ??? til frama fyri alt fólkið.
Á ein hátt er hugsjónin eitt slag av kumpass. Hon vísir altíð veg, hóast tað ofta er trupult at síggja nakra greiða kós í tí politiska meldrinum.
Hugsjónin er eisini eitt slag av vekt, ið kann nýtast til at viga allar politiskar avgerðir á.
Undangongumaðurin Olof Palme, ið m.a. var formaður í svenska Javnaðarflokkinum, var í stóran mun ein hugsjónarmaður. Millum mongu niðurstøður hansara var henda: ???Í somu løtu teir sokallaðu praktisku mennirnir seta til síðis hugsjónir og virðir á tí politiska pallinum, er vegurin lagdur til forfall av fólkaræðinum???.
Er Javnaðarflokkurin ósamdur í hesum, og vil Javnaðarflokkurin á Fólkatingi veruliga umboðast av einum ???praktiskum manni????
Kristina Háfoss
Fólkatingsvalevni og løgtingskvinna fyri Tjóðveldi
Vinarliga broyt tínar kennifíla - og privatlívsstillingar fyri at síggja hetta innihald