Enniberg siglir heim við 950 tonsum av flaki

 Flakatrolarin Enniberg fór í nátt at sigla heim úr Barentshavinum við 950 tonsum av flaki í lastini.

JN.fo hevur tosað við Mortan Johannesen, Mortan sigur, at Enniberg hevur roynt í norskum, russiskum og í Svaldbardøkinum. fiskiskapurin hevur verið hampuligur, Enniberg fór úr Føroyum 17. juni.

Enniberg verður á Havnini hóskvøldið ella fríggjamorgunin, teir landa veiðuna í Havn.

Tað eru 35 mans við Enniberg hendan túrin, teir vóru 37 mans tá ið teir fóru avstað, men tveir eru farnir í land við skaða, skipari er John Mikkjal Godtfred.

Prísurin er góður, tað kemur m.a. av at teir selja veiðuna í Bretlandi, og at kursurin á pundinum er góður.