Eivind skal landa í Kollafirði

 Línuskipið Eivind kom á Kollafjørð í gjár við 150 tonsum av frystum fiski, sum teir skulu landa í morgin.

Eivind hevur verið burtur í knappar 6 vikur, fyrst royndu teir í Eystur-Grønlandi innanfyri 3. fj. markið, teir fiskaðu 100 tons av toski í Grønlandi. Teir royndu eisini nakrar dagar við Føroyar, mest sunnanfyri, her fingu teir 50 tons.

Tað hava verið 15 mans við Eivind hendan túrin, skipari er Jan Vang.