Eivind landar í Saint Pierre

 Línuskipið Eivind, sum hevur roynt á Flemish Cap, landar í dag 195 tons av toski í Saint Pierre. Toskurin verður seldur í Føroyum og fer úr Saint Pierre 2. februar við Eimskip.

Stapin landaði í gjár, teir høvdu eisini 195 tons.

Váðasteinur, sum hevur landað á Toftum, loysti aftur í dag og hevur sett kós yvir á Flemish Cap, teir eru í løtuni staddir í Vágahavinum.