Eivind landar í morgin í St. Pierre

 Tey 3 føroysku frystilínuskipini, landa øll í St. Pierre í Nýfunlandi.

Kambur landaði mánadagin smá 200 tons, teir eru ávegis aftur til fiskiskap.

Klakkur landar í dag uml. 240 tons og Eivind landar í morgin uml. 215 tons.

Um vit siga, at teir fáa sama meðalprís sum Váðasteinur, sum landaði á Toftum mánadagin, so liggur avreiðingarvirðið frá 2,8 til 3,4 mill., Seinast vit vistu, vóru lastirnar tó ikki seldar, men arbeitt varð við, at fáa tær seldar í Føroyum.

Á myndini niðanfyri sum er frá Marinetraffic, síggja vit at Eivind er áveg inn og Kambur er áveg aftur til fiskiskap, myndin er frá kl. 20.45.