Eftir 11 vikur á verft loysti Arctic Viking úr Hirtshals í morgun

 Arctic Viking, sum tær seinastu 11 vikurnar hevur verið á verft í Hirtshals, har umfatandi viðlíkahaldsarbeiði er gjørt bæði á skrokk og høvuðsmotor, umframt at fabrikkin er nýtímansgjørd, loysti úr Hirtshals í morgun. Skipið fer beinleiðis til rækjufiskiskap við Svalbard, í skrivandi stund eru teir staddir beint suður úr Kristianstad í Norra. Tað tekur tað mesta av eini viku, til teir eru komnir á fiskileið við Svalbard. 

Manningin hendan túrin telur 17, skipari henda túrin er Bjarni Petersen úr Kollafirði.

Arctic Viking kom á Kollafjørð 21. september, frá fiskiskapi á Grand Bank, Skipið fór sama dag til Danmarkar at landa og síðan á verft, har teir hava verið í útvið 11 vikur - Teir hava brúkt 2-siffrað milliónatal uppá Arctic Viking, sum nú er sum nýggjur - Arctic Viking er bygdur í 1986.