2016-01-14 16:07 
Jóanis Albert Nielsen
Jóanis Albert Nielsen
Oddaliðið Dráttur tekur í kvøld í móti KÍF á Giljanesi kl. 20,00. Dráttur hevur verið á odda meginpartin av kappingini, men liðið megnaði ikki at vinna seg í hálvfinalurnar í steypakappingini, tá tær taptu innleiðandi ímóti KÍF og SÍ.
Harafturímóti stóð KÍF seg væl í steypakappingini, og høvdu tær tað einu løtuna næstan bæði beinini í steypafinaluni, tá tær høvdu dystarbólt móti Fleyr í hálvfinaluni, men dysturin endaði við at Fleyr vann 3-2.
Sunnukvøldið tapti KÍF 3-0 móti Sí í einum sera tøttum dysti við settúrslitunum 25-27, 22-25 og 24-26.
Í løtuni eru tað Dráttur, SÍ, Fleyr og TB, sum stríðast um plássini í FM-finaluni, og um KÍF skal gera sær vónir at røkka hesum finalum, so er kravið í kvøld ein sigur á Drátti.
Støðan hjá kvinnunum er henda áðrenn dystin í kvøld:
| Støðan | Dystir | Sett | |||||
| Lið | leiktir | vunnir | taptir | vunnin | tapt | munur | Stig |
| Dráttur | 9 | 8 | 1 | 25 | 8 | 17 | 22 |
| SÍ | 9 | 7 | 2 | 23 | 12 | 11 | 20 |
| Fleyr | 7 | 6 | 1 | 20 | 8 | 12 | 17 |
| TB | 7 | 4 | 3 | 17 | 9 | 8 | 14 |
| KÍF | 9 | 3 | 6 | 14 | 18 | -4 | 11 |
| ÍF | 10 | 2 | 8 | 7 | 28 | -21 | 4 |
| Mjølnir | 9 | 0 | 9 | 4 | 27 | -23 | 2 |
Vinarliga broyt tínar kennifíla - og privatlívsstillingar fyri at síggja hetta innihald