Christian í Grótinum siglir heim av svartkjaftafeltinum

 Christian í Grótinum, sum hevur roynt eftir svartkjafti í altjóða sjógvi vestur úr Írlandi, siglir heim fullfermdur. 

Teir skulu landa til Havsbrún í Fuglafirði og verða væntandi á Fuglafirði tíðliga leygardagin, men sleppa ikki at landa fyrrenn á middegi sunnudagin.

Vit tosaðu við skiparan Páll Klein Rasmussen fyri løtu síðan, hann sigur, at svartkjafturin nú er nærri írska markinum, so spurningurin er um hann fer innum 200 fj. markið at gýta, ella um hann gýtir uttanfyri 200 fj., Páll segði eisini at svartkjafturin er í góðum standi. 

Tað eru nógv skip á feltinum vestur úr Írlandi.