Christian í Grótinum landar fríggjamorgunin í Ánunum

 Christian í Grótinum kemur undir land norðanfyri á midnátt, teir eru ikki liðnir at framleiða, men hava eini 200 tons eftir í tangunum, sum teir skulu arbeiða undan, áðrenn teir koma inn at landa fríggjamorgunin.

JN.fo tosaði umborð fyri løtu síðan - tað er stór og góð sild teir koma við, sildin verður heilfryst umborð, teir koma at hava góð 600 tons av heilfrystari sild, tá ið teir koma í Ánirnar fríggjamorgunin.

Veðrið hevur verið hampuligt norðanfyri, men sagt verður frá fitt av vindi í nátt og í morgin.

Tað er nógv sild at síggja norðanfyri, segði skiparin á Christian í Grótinum, Jóhan Isaksen.

20 mans eru við hendan túrin.