Christian í Grótinum kemur á Fuglafjørð fullfermdur

 Christian í Grótinum kemur á Fuglafjørð kl. 8 í morgun fullfermdur av svartkjafti - uml. 2.500 tons, sum teir landa til Havsbrún.

Christian í Grrótinum hevur roynt sunnast í føroyskum sjógvi, tað er hampuliga góður svartkjaftur, skipini fingu har suðuri, søgdu teir tá ið vit tosaðu umborð.

Tvey íslendsk skip - Vilhelm Thorsteinsson og Børkur - eru farin at sigla til Íslands, báðir eru teir fullfermdir.

Tey íslendsku skipini hava roynt eystur úr Fugloynni, sum vit hava skilt, so er eisini hampuligur fiskiskapur har. Fleiri íslendsk skip eru á tí økinum.

Tey russisku svartkjaftaskipini royna víða um.