Christian í Grótinum er komin fullfermdur á Fuglafjørð

Christian í Grótinum hevur verið á svartkjaftaveiðu sunnanfyri Føroyar, kom tíðliga í morgun á Fuglafjørð við fullari last av svartkjafti.

Klokkan 09 í morgun byrjaði Havsbrún at landa tey 2.400 tonsini, sum Christian í Grótinum hevur umborð. Av Havsbrún verður sagt, at tað tekur umleið eitt døgn at landa Christian í Grótinum, so í morgunárini kann Christian í Grótinum fara aftur til fiskiskap.