Brestir hevur fiskað fyri 34,5 milliónir higartil í ár

 Sørvágstrolarin Brestir kom á midnátt í Ánirnar, har teir landa í morgun. Brestir hevur 182 tons, harav 170 tons eru svartkalvi.

Brestir hevði eitt gott ár í fjør, tá fiskaðu teir tilsamans fyri 31 milliónir, men í ár hevur gingið betri, teir hava higartil í ár fiskað fyri tilsamans 34,5 milliónir.

Tá ið liðugt er at landa í Ánunum, tá fer Brestir á Sørvág, har teir fara at rigga til at fara nýggjan túr við Føroyar.