Borgarin kemur á Kollafjørð í nátt

 Borgarin, sum hevur roynt eftir sild á uml. 64N og 5V, fór at sigla inn í dag við 600 tonsum, sum teir skulu landa til Faroe Pelagic í Kollafirði.

Borgarin kemur á Kollafjørð kl. 3 í nátt, teir sleppa framat at landa beinanvegin teir koma inn, í løtuni landar Tummas T. men teir verða liðnir tá ið Borgarin kemur.

Vit á JN.fo tosaðu umborð fyri løtu síðan, veðrið hevði ikki verið nakað serligt í dag, men nú lotaði hann høgt og veðrið var batnað.

Tað eru 12 mans við hendan túrin - skipari er John Leif Joensen.

Borgarin fer nýggjan túr mánakvøldið.