Bólkur settur at orða eina demensætlan fyri Føroyar

 Tíðindaskriv frá Heilsumálaráðnum

Bólkur settur at orða eina demensætlan fyri Føroyar

Landsstýrismaðurin við heilsumálum hevur í samráð við landsstýriskvinnuna við almannamálum gjørt av, at ein demensætlan fyri Føroyar skal gerast. Hetta verður samstundis gjørt í samsvar við samgonguskjalið, har tað m.a. er ásett, at ein ???miðvís ætlan fyri demensøkið verður løgd???.

Í fjør fingu landsstýrisfólkini í ávikavist heilsu- og almannamálum handað eina framferðarætlan fyri demens í Føroyum ???Gloymsk men ikki gloymd??? frá einum sjálvbodnum bólki. ??tlanin hevði tað endamál, at landsstýrisfólkini settu ein bólk við fakfólki at gera eina ætlan fyri demensøkið ??? eina sonevnda demensætlan, sum arbeiðast kann eftir í framtíðini.

Demensætlanin, har ein arbeiðsbólkurin nú er settur, skal í høvuðsheitum lýsa nágreiniliga, hvussu demensøkið eigur at verða skipað við støði í teimum tilmælum, sum eru í framferðarætlanini. ???Gloymsk men ikki gloymd??? frá 2012.

Umframt arbeiðsbólkin, verður arbeiðið skipað við einum stýrisbólki. So hvørt sum arbeiðsbólkurin metir, at partar í ætlanini eru lidnir, verða teir sendir til góðkenningar hjá stýrisbólkinum. Eisini skal arbeiðs- og tíðarætlanin fyri arbeiðið góðkennast av stýrisbólkinum. Harumframt er uppgávan hjá stýrisbólkinum at taka støðu til ivamál og spurningar, ið arbeiðsbólkurin kann leggja fyri stýrisbólkin.

Bólkurin handar demensætlanina til landsstýrisfólkini við heilsumálum og almannamálum í seinasta lagi 1. mai 2014.

Arbeiðsbólkur

Tormóður Stórá, umboð fyri Psykiatriska depilin

Marjun Restorff, umboð fyri Demenstoymið á Landssjúkrahúsinum

Guðrun Zachariasen, umboð fyri Kommunulæknafelag Føroya

Unn Justinusen, umboð fyri Heimatænastuna í Almannaverkinum

Sunnuva á Lakjuni, umboð fyri Heimatænastuna í Almannaverkinum

Jónvør Christiansen, demenssamskipari og leiðari fyri Heilræði í Tórshavnar Kommunu

Lis Hansen, demenssamskipari

Halldis Joensen, umboð fyri Alzheimerfelagið

Stýrisbólkur

Turid Arge, aðalstjóri í Heilsumálaráðnum

Johnhard Klettheyggj, virkandi aðalstjóri í Almannamálaráðnum

Sveinoy Sverrisdóttir, umboð fyri Kommunufelag Føroya

Eyðun Christiansen, umboð fyri Kommunusamskipan Føroya

Myndir:

Mynd 1: Arbeiðsbólkur saman við stýrisbólki og landsstýrisfólkunum í heilsumálum og almannamálum.

Mynd 2: Arbeiðsbólkurin

Mynd 3: Stýrisbólkurin