2016-03-13 12:19 
Jóanis Albert Nielsen
Jóanis Albert Nielsen
Klokkan 09:00 í morgun fekk MRCC Tórshavn eina fráboðan um, at neyðugt var at fáa bjargingartyrluna hjá Atlantic Airways at flyta ein sjúkling av Sandoynni.
Tyrlan var í luftina lítla løtu seinni, og fór til Skálavíkar eftir sjúklinginum. Tyrlan var í lendi við Landssjúkrahúsið klokkan 09:40 í morgun. Hetta er annar sjúkraflutningurin úr Skálavík hetta vikuskiftið. Fríggjadagin var tyrlan eisini boðsend at flyta ein sjúkling úr Skálavík, og á Landssjúkrahúsið, upplýsir MRCC Tòrshavn.
MRCC Tórshavn hevur sent boð eftir bjargingartyrluni 24 ferðir í ár, av teimum eru 19 sjúkraflutningar, sæst á heimasíðuni hjá MRCC Tòrshavn.
Vinarliga broyt tínar kennifíla - og privatlívsstillingar fyri at síggja hetta innihald