Bjargingartyrlan er boðsend tvær ferðir seinnapartin

Bjargingartyrlan hjá Atlantic Airways er tvær ferðir seinnapartin í dag send at hjálpa fólki.

Klokkan 12:54 fekk MRCC-støðin eina fráboðan um, at ein kvinna hevði brotið beini omanfyri Kirkjubø, MRCC Tórshavn sendi tyrluna hjá Atlantic Airways eftir kvinnuni, og var hon flutt á landssjúkrahúsið klokkan 13:51.

Bjargingartyrlan var ikki meira enn komin aftur á flogvøllin í Vágum, so vórðu aftur boð eftir henni, klokkan 14:08 fekk MRCC-støðin eina fráboðan um, at brúk var fyri tyrluni at flyta ein sjúkling av Sandoynni. Tyrlan fór til Skopunar eftir sjúklinginum, og fekk flutt hann til Havnar.