Jóanis Nielsen
Fríggjadagin 3. februar klokkan 12:00 byrjar atgongumerkjasølan til landsdystin ímóti Sveis, sum verður á Tórsvølli tann 9. juni.
So ræður um at vera klárur við telduna, teldulin ella snildfonini, tí fríggjadagin 3. februar, klokkan 12:00 verða seinastu atgongumerkini til HM-undankappingardystin ímóti Sveis, sum verður á Tórsvølli fríggjadagin 9. juni, sett til sølu í Nethandilinum á heimasíðuni hjá Fótbóltssambandi Føroya, www.fsf.fo.
Atgongumerkini eru bólkaði í tríggjar kategoriir.
Slag | Bólkur | Kostnaður |
Kategori 1 | 103, 104, 105 og 106 | 200,00 kr |
Kategori 2 | 107, 108, 116, 117 og 119 | 150 kr. |
Kategori 3 | 114, 115, 120 og 121 | 100 kr. |
Landsdysturin millum Føroyar og Sveis verður bríkslaður í gongd klokkan 19:45. Tá liðini møttust á Swissporarena í Luzerne í Sveis tann 14. november í fjør, gjørdist úrslitið 2-0 til sveisar.
Vinarliga broyt tínar kennifíla - og privatlívsstillingar fyri at síggja hetta innihald