2015-04-04 14:57 
Jóanis Albert Nielsen
Jóanis Albert Nielsen
Í dag verður avgjørt, hvør kemur í finaluna í Atlantic Airways kappingini saman við VÍF. Bæði H71 og Kyndil hava møguleikan at spæla seg í finaluna í dag, sum samstundis er seinasta umfarið í grundspælinum. JN.fo fer at hava beinleiðis tekstafrásøgn frá dystinum millum Kyndil og KÍF.
H71 tekur í Hoyvík móti StÍF, tað hevur ikki gingst eftir vild hjá StÍF í ár, teir hava bert fingið 11 stig hetta kappingarári, meðan H71 hevur 33 stig. Skal H71 spæla seg í finaluna, so skulu teir fáa minimun eitt stig í Hoyvík í dag.
Í høllini á Nabb tekur Kyndil móti verandi meistarnum úr Kollafirði, KÍF hevur verið sera svingandi í ár, og eru tí 9 stig aftanfyri Kyndil. Skal Kyndil hava seinna finaluplássið er eitt krav, at teir vinna á KÍF, samstundis, sum H71 tapur móti StÍF.
Í Vestmanna tekur oddaliðið VÍF, móti botnliðnum Team Klaksvík.
Allir mansdystirnir byrja kl. 16:00.
Støðan í Atlantic Airways deildini
Í Hvonn-deildini er so at siga alt avgjørt, tað einasta ið er eftir at fáa uppá pláss er, hvør endar fremst. Tað verða Neistin og Kyndil, sum skulu berjast um meistaraheitið. Soleiðis verður leikt í dag.
Vinarliga broyt tínar kennifíla - og privatlívsstillingar fyri at síggja hetta innihald