Bátur á land í Suðuroy

KVF: Um trý-tíðina í nátt fór ein bátur á land í Urðini á Steininum ella Akralíð, sum er eystantil í Suðuroynni, millum Hvalba og Tvøroyri.

Sambært Sjóbjargingarstøðini, MRCC, og politinum er talan um 25 metra langa danska bátin Globus. Sambært MRCC gjørdist róðrið í ólagi, og tí fór báturin á land.

Trý fólk eru við bátinum og teimum veit væl við. Loðsbáturin á Tvøroyri fór til hjálpar og sleipaði bátin avaftur. Báturin lekur ikki.

Loðsbáturin lá hjá Globusi til Brimil kom á staðið tíðliga í morgun. Brimil sleipar nú danska bátin til Havnar