Bara eitt føroyskt skip á sildaveiðu

Av føroyskum skipum er tað bara Norðborg, sum er á sildaveiðu, hini føroysku skipini eru tey flestu liðug við sildakvotuna.

Norðborg roynir í altjóða sjógvi norðanfyri á uml. 65,2N og 1,7V, har royna danska skipið Ruth og íslendska skipið Ruth eisini, fiskiskapurin hevur verið hampuligur.

Tey flestu føroysku skipini komu inn í gjárkvøldið, men í kvøld hevur Finnur Fríði loyst av Tvøroyri og er ávegis suðureftir, helst í ES-sjógv at fiska makrel.

Tvey føroysk skip hava roynt eftir svartkjafti vestanfyri, men tey - Tróndur í Gøtu og Slættaberg - komu á Fuglafjørð tíðliga í morgun, tey landa til Havsbrún.

Tað verður hampuligt veður komandi dagarnar.