At lata mat til vælgerandi endamál

Hesar matvørur kunnu latast til vælgerandi endamál:

-Ikki-datomerktar matvørur, t.d. heil frukt og grønmeti

-matvørur merktar ??"heldur sær í minsta lagi til"??. Ein hópur av ymiskum matvørum eru merktar á henda hátt.



Omanfyristandandi matvørur kunna latast úr handlum, um:

- handilin tekur ábyrgd av, at matvøran er í lagi, soleiðis at fólk ikki verða sjúk

- farið verður um matvøruna, sum merkt er á pakninginum, t.d. kølivøra á køl (5°C) og frostvøra á frosti (-18°C)

- matvøran er vard móti dálking

- tann, sum innsavnar og letur víðari, handfer matvørurnar, so matvørutrygdin er í lagi.



Hesar matvørur kunnu ikki latast til vælgerandi endamál:

Matvørur, merktar við "seinasti nýtsludagur", kunnu ikki latast eftir seinasta nýtsludag. Hetta er tí, at talan er um serliga viðbreknar matvørur, sum spillast skjótt, og vandi kann vera fyri at fólk gerast sjúk.



Handlar og heilsølur, sum hava áhuga í at lata hesar matvørur, og tey fólk/felagsskapir, sum ynskja at lata hesar matvørur víðari, eru vælkomin at seta seg í samband við Heilsufrøðiligu starvsstovuna.