Jóanis Nielsen
Tað er við stórari gleði, at HSF, í dag, kann kunngera, at A-landsliðið hjá kvinnum er meldað til komandi EM-undankapping. Endaspælið verður í Svøríki í december 2016. Hetta er fyrstu ferð, at A-landsliðið hjá kvinnum er meldað til eitt EM-undanspæl.
Liðið skal leika í fyrsta umfari í undankappingini 12. ??? 14. juni saman við 5 øðrum liðum. Liðini verða drigin í tveir bólkar á trý lið, har vinnarin úr hvørjum bólki sleppur víðari til annað umfar í kappingini, tá størru hondbóltstjóðirnar koma við í kappingina.
Liðini, sum Føroyar kann møta í fyrsta umfarið, eru: Finnland, Aserbajan, Ísrael og Bulgaria. Drigið verður í morgin, týsdagin 24. mars, fyrrapartin.
Ítróttarliga er hetta sera áhugavert, tí hetta eru lond, sum Føroyar kunnu standa seg ímóti. Vinnur Føroyar bólkin skulu EM-undandystir leikast í oktober 2015, mars og juni 2016.
Andreas F. Hansen og Harald Bjørgvin eru í dag settir landsliðsvenjarar og byrja fyrireikingarnar til dystirnar í juni beinanvegin.
Kelda. hsf.fo
Vinarliga broyt tínar kennifíla - og privatlívsstillingar fyri at síggja hetta innihald