Jóanis Nielsen
Føroyska Sjómansmissiónin skrivar á Facebook:
í dag vóru menn av Akrabergi umborð á Sjúrðarbergi eftir jólapakkum frá Sjómanskvinnuringunum.
Sjúrðarberg hevði pakkarnar yvir við til teirra.
Eyðun á Begi, skipari á Akrabergi sigur, at teir royna á Gásabankanum, sum er eystaliga í Barentshavinum. Veðrið er sera gott, men veðurmennirnir siga frá vindi í kvøld, sum skal minka aftur í morgin. Fiskiskapurin er smáligur.
Fleiri skip royna á somu leið. Har eru mest russar, men eisini íslendsk og føroysk skip. Enniberg og Sjúrðarberg eru eisini har. Gadus er ávegis heim.
Manningin á Akrabergi takkar sjómanskvinnuringunum og sjómanstrúboðaranum fyri jólapakkarnar.
Kokkurin, Jógvan Helgi, hevur pakkarnar undir hond
Sjómansmissiónin ynskir sjófólkinum Guds signing.
Myndirnar eru eisini frá Føroysku sjómansmissiónini.
Vinarliga broyt tínar kennifíla - og privatlívsstillingar fyri at síggja hetta innihald