Akraberg er farin á rækjuveiðu

 Frystitrolarin Akraberg, sum teir seinastu túrarnar hevur fiskað tosk, hýsu og upsa í Barentshavinum, er nú farin á rækjuveiðu.

Teir hava riggað skipið um til rækjuveiðu, síðan liðugt var at landa seinasta túr. Í gjárkvøldið var klár at fara, teir loystu av Fuglafirði tíðliga í gjárkvøldi og settu kós norðuryvir, ætlanin er at fiska í Barentshavinum við Svalbard.

Tað eru 17 mans við nú teir eru farnir á rækjuveiðu.