818 fólk fulltíðararbeiðsleys

 Í juli 2015 var árstíðarjavnaða arbeiðsloysið av fulltíðararbeiðsleysum 818, svarandi til 3,0%. Tað eru 38 fleiri enn mánaðin frammanundan. Hjá monnum var arbeiðsloysið 2,3% og hjá kvinnum 3,8%.

Seinastu tríggjar mánaðirnar hevur arbeiðsloysið sveiggjað um 3%. Í mai var tað 3,1%, minkaði so til 2,9 í juni og vaks so aftur til 3,0% í juli.

Arbeiðsloysistølini eru dagførd fram til og við juli 2015, og eru nú tøk í hagtalsgrunninum.