2015-06-18 19:22 
Jóanis Albert Nielsen
Jóanis Albert Nielsen
So er fyrsta FM kappingin hjá okkum í 2015 á skrá. Luttøkutalið er tað hægsta í nógv ár, 40 ross eru við hesuferð og er tað helst hægsta tal av tilmeldingum hesumegin aldarskiftið. Hetta er gleðilig tíðindir fyri okkum rossafólk, so nú er at dríva á - einki kemur av sær sjálvum.
Veðurforsøgnin er eisini rímiliga góð og lovað teir kønu okkum at tað verður góðveður bæði fríggja og leygardagin meðan tiltøkini eru. So pakka ryggsekkin og kom ein túr á Leynavatn leygardagin.
Nógvir spennandi riðlar eru eisini á skrá, serliga í Tvíspor ung og Tvíspor l flokkur.
Í Tvíspor ung er seinasti riðilin millum tey trý rossini Sina við Elisabeth Niclasen á baki, Tind við Sedeu B. Nolsøe og føryameistaranum frá í fjør, Brá við Ragnheiður ??lafsdóttir á baki. Hesi ross eru sera jøvn og hava øll møguleika at vinna, Tá riðið var vesturi í Vágum fyri tveimum vikum síðani vann Brá, men her kann alt henda.
Tá talan er um Tvíspor l flokkur, er eisini serliga ein riðil sum spenningur er um. Tað er seinasti riðilin har føroyameistarin frá 2013 Fúsi við Zacharias R. Jacobsen á baki skal móti ryssuni Urd við tí einans 16 ára gomlu Rebekku Simonsen á baki. Hetta er bara aðru ferð Rebekka ríður kapp, men fyrstu ferð hepnaðist sera væl og gjørdist hon nummar tvey tað ferðina. So nú sleppur hon av álvara at royna seg.
Kappingin er við Leynavatn leygardagin kl 15 - aftaná FM kappingina er ein stuttleikakapping.
Paringin til Leynavatn sæst við at trýsta á leinkju niðanfyri, (gev tol - tekur áleið 30 sek at lata upp)
Paring - Leynavatn 2015
Paring - Leynavatn 2015
Vinarliga broyt tínar kennifíla - og privatlívsstillingar fyri at síggja hetta innihald