4 skip hjá P/f Varðanum eru til umvælingar hjá MEST

 4 av skipinum hjá P/f Varðanum eru til umvælingar hjá MEST - Tróndur í Gøtu, Finnur Fríði og Tummas T eru á Skála og Jupiter er í Havn.

Tróndur í Gøtu og Finnur Fríði hava verið á Skála í eina tíð og í gjár kom Tummas T hagar eisini. Jupiter hevur staðið á bedingini í Havn, men er nú komin aftur á flot.

Skipini verða gjørt klár til makrel- og sildaveiðuna, sum plagar at byrja seinast í juli ella fyrst í august.

Í gjár lá Høgiklettur á Eiði, Høgiklettur hevur tað seinastu tíðina verið brúktur til avlúsing av laksi, tað er eitt samstarv millum Bakkafrost og Varðan.