2017-03-19 21:06 
Jóanis Albert Nielsen
Jóanis Albert Nielsen
Fult umfar hevur í dag verið í EFFO-deildini, og nú eftur 2. umfar hevur eitt lið fult stigatal, og tað er nýggja felagsliðið í Suðri.
07 Vestur 0-1 TB/FCS/Royn (Suðringar)
07 Vestur hevði í dag vitjan av nýggja felagsliðnum úr Suðri. Tað kom bara tað eina málið í dystinum, og tað fingu Suðringar tá ið 19. minuttir vóru leiktir, tá ið Poul Ingason fekk bóltin í málið.
B36 1-1 KÍ
Í Gundadali fekk B36 vitjan av KÍ. Tað vóru Klaksvíksjingar ið førdu í hálvleikinum Semir Hadzibulic legði KÍ á odda beint fyri hálvleik. Róaldur Jakobsen javnaði fyri B36 tá ið 68. minuttir vóru leiktir uppá brotskast.
Skála 0-0 HB
Skála fekk javnleik í fyrsta umfarið, og tað fingu teir aftur í dag. Liðini býttu stigini í einum 0-0 javnleiki.
ÍF 3-1 EB/Streymur
ÍF fekk eina flúgvandi byrjan uppá dystin, Dánjal á Lakuni legði ÍF á odda eftir 7. min. og longu 5. min. seinni økti hann til 2-0. Rógvi E. Nielsen minkaði um munin eftir 72. min. tá ið hann skoraði uppá brotsspark. Ari Ellingsgaard staðfesti sigurin beint fyri dystarlok tá ið hann skoraði til 3-1.
NSÍ 0-1 Víkingur
Við Løkin var grannauppgerð tá ið NSÍ og Víkingur brustu saman, tað kom bert eitt mál í dystinum, og tað skoraði Filip Djordjevic eftir 37. min.
| Nr. | Lið | D | V | J | T | Mál | S |
|---|---|---|---|---|---|---|---|
| 1. | TB/FCS/Royn | 2 | 2 | 0 | 0 | 2 | 6 |
| 2. | HB | 2 | 1 | 1 | 0 | 2 | 4 |
| 3. | Víkingur | 2 | 1 | 1 | 0 | 1 | 4 |
| 4. | ĺF | 2 | 1 | 0 | 1 | 1 | 3 |
| 5. | B36 | 2 | 0 | 2 | 0 | 0 | 2 |
| 6. | Kĺ | 2 | 0 | 2 | 0 | 0 | 2 |
| 7. | Skála | 2 | 0 | 2 | 0 | 0 | 2 |
| 8. | NSĺ | 2 | 0 | 1 | 1 | -1 | 1 |
| 9. | EB/Streymur | 2 | 0 | 1 | 1 | -2 | 1 |
| 10. | 07 Vestur | 2 | 0 | 0 | 2 | -3 | 0 |
Vinarliga broyt tínar kennifíla - og privatlívsstillingar fyri at síggja hetta innihald