07 Vestur vann 5-0 á MB

Í kvøld hevur grannauppgerð verið á MB-Arena í Miðvági, tá MB tók móti 07 Vestur. Tað var samstundis botnur móti toppi ið møttust.

Sí myndir frá dystinum her.

Tað sást eisini aftur, at tað var toppur móti botni, tí MB legði seg beinavegin langt aftur á vøllin, og tað gjørdi tað samstundis nógv lættari hjá 07 Vestur, sum fer eftir fer vóru í álopi.

Eftir 17 minuttir eydnaðis tað Jákup F. Hansen at skora, tá hann fekk høvdið á bóltin eftir eitt fríspark úr høgru síðu, og so var 1-0 til gestirnar. Bara tríggjar minuttir seinni økti 07 Vestur um leiðsluna, tá ið Holgar Durhuus skoraði til 2-0. Góðar fimm minuttir fyri hálvleik er Holgar aftur á rætta plássinum, og skorar til 3-0. Liðskiparin hjá felagsliðnum - Gunleif Olsen - settið punktum fyri fyrra hálvleik, tá hann í yvirtíðini skoraði uppá brotsspark. 4-0 til 07 Vestur var eisini hálvleiksstøðan.

MB kom betri við í seinna hálvleiki, og leingi sá út til, at seinni hálvleikur fór at enda við javnleiki, men Jóannis á Steig vildi vinna meira - góðar fimm minuttir fyri tíð setti hann punktum fyri dystin, tá ið hann skoraði til endaligu støðuna 5-0.