07 Vestur og B71 spældu javnleik

07 Vestur var á vitjan hjá B71 leygardagin, har liðini leiktu venjingardyst, tað er nú júst ein máni til landskappingin fer í gongd. 

Sambært heimasíðuni hjá 07 Vestur, so var dysturin ein endurtøka av spælinum á Skála, har felagsliðið hevði bóltin meginpartin av tíðini, men teir komu ikki til teir heilt stóru møguleikarnar. 

Tað var B71, sum legði seg á odda við einum frísparki, eini 30-35 metrar úti frá málinum, sum  Gunnar Lydersen tók. B71 fór til hálvleiks við leiðsluni 1-0.

Í seinna hálvleiki kláraði felagsliðið úr Vágum at javna við málið frá Holgar Durhuus, endaliga úrslitið gjørdis 1-1.