Jóanis Albert Nielsen
Eftir dystin í Leirvík er greitt, at 07 Vestur er nýtt oddalið í 1. deild, tá teir vunnu 0-2 á Víkingi. Tò hevur 07 Vestur spælt ein dysti meira enn hvat Skála hevur, Skála var nummar eitt áðrenn dagsins dyst.
Tað er ikki nógv at skriva um í fyrra hálvleiki, men sambært heimasíðuni hjá 07 Vestur, so hevði 07 Vestur takið á heimaliðnum, og nærmast var Sjúrður Ellefsen at skora. Einki mál kom tó í fyrra hálvleiki.
Tá ið 73 minuttir vóru leiktir, var tað áleyparin úr Amerika, Mikey Minutillo, ið fekk hol á fyri 07 Vestur, og skoraði til 0-1. Tá 84 minuttir vóru farnir, fekk 07 Vestur eitt brotsspark, tað umsetti liðskiparin Gunleif Olsen til mál, og skoraði til endaligu støðuna 0-2.
Í yvirtíðini fekk Tróndur á Høvdanum hjá Víkingi reytt kort.
Støðan í 1. deild.
Nr. | Lið | D | V | J | T | Mál | S |
|---|---|---|---|---|---|---|---|
1 | 07 Vestur | 9 | 7 | 0 | 2 | 24-10 | 21 |
2 | Skála | 8 | 6 | 1 | 1 | 21-8 | 19 |
3 | B68 | 8 | 5 | 1 | 2 | 13-5 | 16 |
4 | B71 | 8 | 4 | 4 | 0 | 12-5 | 16 |
5 | AB II | 7 | 4 | 1 | 2 | 12-11 | 13 |
6 | KÍ II | 8 | 3 | 0 | 5 | 20-17 | 9 |
7 | NSÍ II | 9 | 3 | 0 | 6 | 14-14 | 9 |
8 | B36 II | 7 | 1 | 3 | 3 | 5-18 | 6 |
9 | Víkingur II | 8 | 1 | 2 | 5 | 7-13 | 5 |
10 | MB | 8 | 0 | 0 | 8 | 4-31 | 0 |
Vinarliga broyt tínar kennifíla - og privatlívsstillingar fyri at síggja hetta innihald