Ætlar landsstýrið, at Føroyar verða sjálvbjargnar í matvøruframleiðslu?

Spyrjari:  Fía Selma Nielsen, løgtingskvinna

Svarari: Jacob Vestergaard, landsstýrismaður í vinnumálum 

Evni: Føroysk matframleiðsla 

Spurningar:  

1. Ætlar landsstýrið, at Føroyar verða sjálvbjargnar í matvøruframleiðslu?
2. Hevur landsstýrismaðurin eina ætlan fyri at styrkja um føroyska matframleiðslu?

Viðmerkingar:

Seinastu árini hevur nógv verið frammi um stuttflutta matvøru. Tilvitið um, at vit skulu liva meira burðardygt, hevur stimbrað undir, at ymiskar smáar privatar framleiðslur av grønmeti verða gjørdar.

Í samgonguskjalinum verður millum annað skrivað: “Landbúnaðurin hevur bæði búskaparligan, mentanarligan og tilbúgvingarligan týdning, og í einari ótryggari tíð er týðandi at styrkja føroyska matframleiðslu.”

Í einum alt ótryggari heimi er neyðugt at hugsa um, hvussu Føroyar kunnu vera meira sjálvbjargnar við mati og matframleiðslu

Tí vera hesir spurningar settir

Tað hevði verið áhugavert at frætt, hvørjar tankar landsstýrismaður hevur um hesi viðurskifti.

Á Løgtingi, 18. september 2026

Fía Selma Nielsen