Jóanis Albert Nielsen
Hesa ferð komu 36 umsóknir inn, og søkt varð um 5,4 mió. kr. tilsamans.
Endamálið við stuðulsjáttanini er at framleiða og menna føroyskan film við denti á fiktiónsfilm, heimildarfilm, animatiónsfilm og listafilm. Einstaklingar, bólkar og feløg kunnu søkja um stuðul til ymsar tættir innan filmsgerð.
Nevndin hevur viðgjørt umsóknirnar eftir ásetingunum í løgtingslóg nr. 60 frá 17. mai 2005 um stuðul til mentan og list v.m., sum er broytt við løgtingslóg nr. 45 frá 15. mai 2014, løgtingslóg nr. 34 frá 30. apríl 2015 og kunngerð nr. 3 frá 6. januar 2025.
Til at meta um umsóknir og gera tilmæli til nevndina, hevur grunnurin sett tveir filmsráðgevar, eftir tilmæli frá faknevndini fyri film. Avgerðin hjá nevndini um hvør fær stuðul til film, er bygd á tilmæli frá ráðgevunum.
Samlaða filmsjáttanin fyri 2026 eru 6,6 mió. kr. Stuðul til film verður veittur fýra ferðir árliga.
Til stuðulsumfarið Film III. 2026 er avgjørt at veita hesum 14 filmsverkætlanunum stuðul:
Verkætlanarheiti | Slag av filmi | Umsøkjari | Upphædd kr. | |
Anny | Heimildarfilmur | Bad Weather Projects v/Duritu Sumberg Poulsen | 70.000 | |
Sodomitturin | Spælifilmur | Durita Sumberg Poulsen | 80.000 | |
UFO - er nakar har úti? | Heimildarfilmur | Hugmynd v/Drós í Ólavsstovu | 50.000 | |
Dýpir av tíð | Heimildarfilmur | Gunnleygur Clementsen | 19.000 | |
Menniskja | Heimildarfilmur | RVH Productions v/Rúnu V. Højgaard | 250.000 | |
Into the Heart | Spælifilmur | Outlier Projects v/Jón Hammer | 50.000 | |
Av himni | Stuttfilmur | Outlier Projects v/Jón Hammer | 99.000 | |
Oceancraft | Heimildarfilmur | Outlier Projects v/Jón Hammer | 150.000 | |
Det vi ikke når i dag | Spælifilmur | Outlier Projects v/Jón Hammer | 70.000 | |
Ung í føroyskum dansi | Heimildarfilmur | UFO v/Rakul Ró Steintórsdóttir | 80.000 | |
Ekko af et Kollaps - 93 | Heimildarfilmur | Tambo Film ApS v/Rikke Tambo Andersen | 80.000 | |
Semd | Heimildarfilmur | Frælsisfilmar ÍV/F v/Jan Lamhauge | 190.000 | |
Lovaða Land | Heimildarfilmur | Cinema Polaris v/Anton Petersen | 99.000 | |
Hatta tosa vit ikki um | Heimildarfilmur | DokFo v/Lucas Frayssinet | 200.000 | |
Vinarliga broyt tínar kennifíla - og privatlívsstillingar fyri at síggja hetta innihald