U17 landsliðið í badminton til EM fyri lið

ítróttur20-11-2017 - 20:11 - Jóanis Albert Nielsen

Sunnumorgunin fór U17 landsliðið í badminton til EM fyri lið, sum verður leikt í tjekkiska høvuðstaðnum Prag í døgunum 21. - 25. november.

Tað eru 36 lond, sum eru meldaði til kappingina.

Landsliðið skal spæla tríggjar liðdystir - ein týsdagin og tveir mikudagin.

Ein liðdystur er: einmansleikur kvinnur, einmansleikur menn, tvímansleikur kvinnur, tvímansleikur menn og blandaður tvímansleikur.

Føroyar eru í bólki saman við Russlandi, Grikkalandi og Rumenia. Hetta er fyrstu ferð, at Føroyar eru við til EM fyri U17 landslið, so leikararnir eru sera spentir.

Tey, sum umboða Føroyar eru:

Lena Maria Joensen

Sissal Thomsen

Alma Kentsdóttir Mohr Pedersen

Árant á Mýrini

Jónas Djurhuus

Ari Miné Jacobsen

Landsliðsvenjari er Aritra Nandy, og ferðaleiðari er Erik Engelbrecht Thomsen.

EM fyri einstaklingar byrjar beint aftaná liðkappingina tann 25. november. Tá verður kappast í einmansleiki kvinnur og menn, tvímansleiki kvinnur og menn og blandaðum tvímansleiki. Tá eru Føroyar eisini við - hetta frætta tit meira um seinni.