Tvinni embæti lýst leys

mentan23-05-2019 - 14:38 - Jóanis Nielsen

Tvinni embæti sum sóknarprestur í Norðstreymoy eru lýst leys at søkja. Umsóknarfreistin gongur út 17. juni. Bæði embætini eru tengd at prestagarði, har sóknarpresturin hevur skyldu at búgva.

Í Norðstreymoyar eystara prestagjaldi er prestagarðurin í Hvalvík. Økið fevnir um kirkjusóknirnar Tjørnuvík, Haldórsvík, Hvalvík, Saksun og Hósvík.

Í Norðstreymoyar vestara prestagjaldi er prestagarðurin í Vestmanna. Økið fevnir um Vestmanna, Kvívík og Kollafjørð.

Embætini verða eftir ætlan sett 1. september. Kirkjuráðini innstilla, og landsstýrismaðurin í kirkjumálum útnevnir sóknarprestin.

Kelda: folkakirkjan.fo.