Tíðindaskriv úr Skálafirði

mentan14-03-2020 - 19:54 - Jóanis Nielsen
Nú fólk eru rádd til at reika sum minst og ansa sær væl í hesum coronaríðum, hevur samkoman Keldan valt at skipa seg øðrvíni enn vanligt.

Tey bjóða ikki til møtir sum vanligt hesa næstu tíðina, men í staðin senda tey umvegis youtube-kanal teirra Keldan Netvarp.

Sent verður leygarkvøldið kl. 20; tá hevur Bjørgfinnur Heinesen ein boðskap at deila.
Sunnudagin kl. 12 eru tey aftur í luftini, við einum boðskapi frá Paula Høj.
Aftur kl. 13 sunnudagin senda tey, og tann sendingin er ætlað børnum.

Øll eru vælkomin at fylgja sendingum teirra.