Norðfra á Fólkatingi

11-10-2018 - 16:02 - Jóanis Albert Nielsen

Norðfra, í framleiður og selur føroyskar fiskavørur, verður við á Kulturnatten på Folketinget nú fríggjadagin 12 oktober.

Hetta er ein liður í at bjóða framm okkara góðu fiskavørur til danska marknaðinum.

Tað er ein sannroynd at enn vita danskir brúkarar líti um Føroyar og hvussu góður fiskurin er í veiddur verður runt um Føroyar.

Vit hava bestu umstøður nakar kann hugsa sær, bestu fiskimenn, góðar fiskileiðir, og sera góða rávøru.

Norðfra kemur at luttaka við kunning og smakkiroyndum av flaki og frikadellum, burtur úr línuveiddari hýsu.

Fyri Føroyar eru umráðandi at vísa framm okkara tilfeingi og er hetta ein liður í sølutilgongdini hjá Norðfra at verða við á hesum átakinum.

Tilber at lesa meir um hetta á nordfra.com