Mynd: Hans Erik Danielsen/FSF

Sí myndir frá dystinum tá Føroyar vunnu á Grikkum

ítróttur15-11-2014 - 18:24 - Jóanis Albert Nielsen

FSF: Við framúr innsatsi frá okkara leikarum, eydnaðist føroyska A-landsliðnum at vinna 1-0 á útivølli ímóti Grikkalandi. Einsamalla málið gjørdi Jóan Símun Edmundsson tá góður tími var spældur.

Føroyska landsliðið í fótbólti hevur enn einaferð skelka altjóða fótbóltsheimin. Hesaferð við sigri á útivølli ímóti Grikkalandi á Karaiskakis Leikvøllinum í Athen.

Úrslitið gjørdist 1-0 til Føroyar við máli sum Jóan Símun Edmundsson skoraði í 61. minutti.

Grikkar høvdu bóltin meir, men veruliga vandamikið gjørdist tað ongantíð, og tískil varð talan um ein uppibornan sigur tá saman um kom.

Eftir dystin varð føroyski málskjútti valdur til dagsins leikara.

Sí fleiri myndir her, sum Hans Erik Danielsen hevur tikið.

Sí eisini hvussu gott lagi var í skiftingarrúminum, við at trýsta her.