Merktu grindirnar hava slakkað av

top26-06-2020 - 16:12 - Jóanis Albert Nielsen

Havstovan: Merkta grindin úr Bø hevur, eftir at hon vendi á Reykjanesrygginum, ferðast eystur yvir, fram við hellingini av Íslendska landgrunninum, og er nú 40 fjórðingar suður úr Vestmannaoyggjum.

Grindin úr Havn hevur verið á Ytsta Banka, men er síðan farin suður av bankanum, og tykist at ferðast spakuliga eystur yvir. Grindirnar hava ikki ferðast so skjótt seinastu dagarnar, um ein fjórðing um tíman, ið er nokk so vanligt, tá tær eru komnar á djúpt vatn.