Kvívík: Tíðindaskriv um útstykking

politikkur27-10-2017 - 14:52 - Jóanis Nielsen

Tíðindaskriv

Nú er Kvívíkar kommuna komin eitt stórt fet nærri málinum um at kunna bjóða grundøki í Kvívík eftir ólavsøkuna í 2018.

Kommunan valdi at bjóða arbeiðið út í innbodnari lisitatión og komu 5 tilboð inn. Sp/f Tórhallur Hansen hevði lægsta tilboðið, ið var á kr. 7.080.472 hægsta boðið var á kr. 13.031.524.

Ætlanin er at alt arbeiðið skal verða liðugt í 2018.

Í nýggju útstykkingini eru 19 grundøkir og standa 26 fólk á listanum til at fáa grundøki.