Jólamarknaður í Vakstrarhúsinum í Sandavági

05-12-2020 - 11:34 - Jóanis Albert Nielsen

Leygardagin 5. Og sunnudagin 6. Desembur verður jólamarknaður í Vakstrarhúsinum í Sandavági.

Tað eru Beinta Gudmundsen og Ragnhild Olsen, ið standa handan “Trivni”, sum skipa fyri tiltakinum. Eisini skipað tær fyri árliga tiltakinum Húsagongd, sum í ár grundað av korona bleiv til eina Drive-in konsert við Blátt Gras.

Tað eru nógv dugnalig fólk rundan um okkum, og fleiri av teimum fara at selja sínar heimavirkaðu vørur á marknaðinum.

Umframt einstaklingarnar, sum fara at selja, koma eisini kvinnurnar í Handalag at vísa fram og selja tað tær hava gjørt.

Tær plaga at hava sína árligu jólasølu í Beitishúsinum, men hava í ár valt at roynt vakstrarhúsið.

Skráin fyri jólamarknaðin:

Leygardagin 5. Desembur

Kl 10:00-18:00 • Kaffisøla & marknaður letur upp

Kl 10:00-18:00 • Framvísing & søla við Handalag

Kl 10:00-15:00 • Jólamyndatøka v/ Súsonnu Smith

17:00-18:00 • Jólatónar v/ Hans Ravsfjall

Sunnudagin 6. Desembur

Kl 13:30-18:00 • Kaffisøla & marknaður letur upp

Kl 13:30-18:00 • Framvísing & søla við Handalag

Kl 13:30-15:00 • Jólamyndatøka v/ Súsonnu Smith

Kl 15:00-15:30 • Mótasýning v/ klæðum frá Sorella